ಬಚ್ಚಿಡುವೆ

*ಎದೆಯ ಗೂಡಲಿ ಬಚ್ಚಿಡುವೆ*

ಎಷ್ಟು ಅಂತ ಎದೆಯ ಗೂಡಲಿ
ಬಚ್ಚಿಡಲಿ ನಿನ ಹೀಗೆಯೇ ಬೆಚ್ಚಗೆ
ಅನಲಾರೆ ನಾ ಚಿನ್ನ

ಹೊರಗೆ ಬಿಟ್ಟರೆ ಹಾಯಾಗಿ ಹಾರಿ
ಬಿಡುವೆ ಬಿಡಲಾರೆ ನಿನ್ನ ಚಿನ್ನ

ಒಳಗೊಳಗೆ ಖುಷಿಯಿಂದ
ನಲಿದಾಡು ಚಿನ್ನ ಇದು ಅಲ್ಲ
ಪಂಜರ ನಿನಗಿಲ್ಲ ಬಂಧನ

ಎದೆಯ ತುಂಬ ಬರೀ
ಒಲವ ಜೇನು ಸುರಿಯುತಿರಲು
ಸವಿ ನೀ ಏಕಾಂತದಿ ಹರಸಿ ನನ್ನ

ಹಾಯಾಗಿ ಮಲಗು ನೀ ನನ್ನ
ಜೀವ ಚೈತನ್ಯ ಬಿಟ್ಟಿರಲಾರೆ
ನಿನ್ನ ನಾ ನೀ ನನ್ನ ಉಸಿರ
ರಾಗಕೆ ಲಯ ತಾಳ ಮೇಳ
ಎಲ್ಲ ಎಲ್ಲಾ ನೀನೇ

ಬಚ್ಚಿಡುವೆ ಬೆಚ್ಚಗೆ ಕೊನೆತನಕ
ನಾ ಅಳಿದರೂ ನೀ ಉಳಿಯುವಂತೆ
ನೂರಾರು ಜನುಮಕೆ ಸಾವಿರದ
ಸಾವೇ ಬಾರದ ಜನುಮಕೆ

  *ಸಿದ್ದು ಯಾಪಲಪರವಿ*