ಯಾರಿವನು?

ಹೇಸಿಗೆ ಮೇಲೆ ಕುಳಿತಿರುವ
ಘಮಘಮ ಪರಿಮಳ
ಹೀರಿದ ತೆರದಿ ನಗೆ ಬೀಸುವ
ಮಾತಲಿ ಮನೆ ಕಟ್ಟುವ
ಮನದಲಿ ಗೋರಿಗಡಿಗಲ್ಲಿಡುವ
ಪರರ ಧನ, ಸ್ತ್ರೀ, ಆಸ್ತಿ
ಎಲ್ಲವ ತನ್ನದೆಂದು ಬಗೆವ
ಕಾಲಕ್ಕೊಂದು ಬಗೆಬಗೆಯ ವೇಷದಿ
ಮೆರೆವ
ಒಮ್ಮೊಮ್ಮೆ ಓಟಿಗಾಗಿ ನೋಟ
ಹಂಚಿ ಭಿಕ್ಷೆಯನೂ ಬೇಡುವ ಹೈ
ಕ್ಲಾಸ್ ಭಿಕ್ಷುಕ
ರಾಷ್ಟ್ರದ ಧನಧಾನ್ಯ
ಲೂಟಿಯಾಗಿಸಲು ಸನ್ನದ್ಧನಾಗಿರುವ
ಭಂಡನಿವ.
ಬಿಟ್ಟಿದ್ದಾನೆ ನಾಚಿಕೆ, ಭಯ
ಆತ್ಮಸಾಕ್ಷಿಯ
ಇಹದ ಸಂಪತ್ತೆಲ್ಲಾ ಎಲ್ಲೆಲ್ಲೊ
ಅಡಗಿಸಿ ಮೆರೆವ ತಲೆಹಿಡುಕನಿವ
ಅಂತೂ, ಇಂತೂ, ಹೀಗೋ ಹೇಗೋ
ಮೆರೆದು ಮರೆಯಾಗುವ ರಾಷ್ಟ್ರಕೆ ಹಿಡಿದಿರುವ
ಅಳಿಸಲಾಗದ ಗ್ರಹಣನಿವ.