Monday, January 27, 2014

ನಮ್ಮಲ್ಲಿಯೇ ಪಡೆಯೋಣ

ಎತ್ತ ಹೊರಳಿದರೂ ಮತ್ತೆ
ಮತ್ತೆ ಸುತ್ತುತಲಿದೆ ಮನ
ನಿನ್ನೆಡೆ ಗೆಳತಿ-
ನೊಂದ ಜೀವಕೆ ಬೇಕೆ
ಸಮ-ಭೋಗದ ಸವಿಪಾಲು?
ಸಮ-ಭಾಗಿಯಾಗಿ ಹೆಕ್ಕಿ
ಕಿತ್ತುಕೋ ಬೆಳೆದ ಕಸವ
ಸವಿನುಡಿ, ಅಪ್ಪುಗೆ
ಸಾಂತ್ವನದಿ ಆರಿಸು
ಉರಿವ ನೋವ ಜ್ವಾಲೆ
ಉರುಳುತಿವೆ ಹಗಲಿರುಳು
ಎಣಿಕೆ-ಗುಣಿಕೆಗಳಲಿ
ಬೆಲೆ ಇಲ್ಲ ಜೀವಕಿಲ್ಲ
ಏರುತಿರುವ ಬೆಲೆಯಲ್ಲಿ
ಅಬ್ಬರ, ಆಡಂಬರ ಕೃತಕ
ತುಟ್ಟಿ-ದಿನ-ಮಾನದಲಿ
ಮನಸು-ಹೃದಯವಂತಿಕೆ
ಕಳೆದುಹೋಗುವ ಮುನ್ನ
ಅಪ್ಪು ಬಾ ಗೆಳತಿ
ನಂಬಿಕೆ-ವಿಶ್ವಾಸ ಯಾರೋ
ದೋಚುವ ಮುನ್ನ
ಎಲ್ಲಿಯೂ ಹುಡುಕಿ ದುಡುಕುವದು
ಬೇಡ ಕೈಗೆಟಕುದ ಸುಖವ
ನಮ್ಮಲ್ಲಿಯೇ ಪಡೆಯೋಣ
ನಾವು ಮುಳುಗುವ ಮುನ್ನ

No comments:

Post a Comment