Monday, January 27, 2014

ನೀನು ಹಿತ

ಮರೆಯುತ್ತೇನೆ ಎಲ್ಲ ಹಿಂಸೆಗಳ
ನಿನ್ನ ಹಿತ
ಹಿಡಿತದ ಅಪ್ಪುಗೆಯಲಿ
ನಂಜುಂಡ ತುಟಿ
ಸವಿಯಾಗುತ್ತದೆ
ನಿನ್ನ ಸಿಹಿ ಮುತ್ತಿಗೆ
ನಿನ್ನ ಮೃದು ಹಸ್ತ
ಮೈದಡವಿದಾಗ
ಎಂಥದೋ ಚೈತನ್ಯ
ಸೇರುತಿದೆ ಮನಸ್ಸು-ಮೈಗೆ
ನಿನ್ನ ಬಿಸಿಯುಸಿರು
ಕಂಗಳ ಬಳಿ ಬೀಸಿದಾಗ
ಆಹ್ಲಾದ ಉಕ್ಕಿ ಬರುತಿದೆ
ಮಂಪರು ಆವರಿಸುತಿದೆ
ಯಾವ ವೈನೂ
ತಾರದ ಮತ್ತು.
ಬೆಟ್ಟದಷ್ಟು ಸುಖ ತರುವ
ನಿನ್ನ ಸನಿಹವ ಕೆಲಕ್ಷಣವೂ
ಮರೆಯದೆ ಸೃಷ್ಠಿ ಹುಟ್ಟಿಸಿದೆಯೇ
ನನ್ನಲ್ಲಿ ಸಿಟ್ಟು ಬೆಂಕಿಯ. ನೀನು
ಎಲ್ಲಿಯಾದರೂ ಹೋಗಿ ಬರುವೆನೆಂದಾಗ
ಅಗಲಿಕೆಯ ಭೀಕರತೆ ನೆನಸಿಕೊಂಡಾಗ
ನಾನು-ನಾನಾಗುವುದೇ ಇಲ್ಲ.

No comments:

Post a Comment