ನಗ್ನ ಸತ್ಯ

ನಿನ್ನ ವಿಕಾರ ಕಣ್ಣನ್ನು
ನಕ್ಷತ್ರ ಎಂದೆ
ನಿನ್ನ ಜೋಲು ಮುಖ
ಚಂದಿರನೆಂದೆ
ನಿನ್ನ ತೋಲು ಮೈ
ಬಳುಕುವ ಬಳ್ಳಿ ಎಂದೆ
ನಿನ್ನ ಆನೆಯ ನಡಿಗೆ
ನವಿಲಿನ ನಾಟ್ಯ ಎಂದೆ
ಅಪ್ಸರೆ, ರತಿ ಚೆಲುವೆ
ಎಂದೆಲ್ಲ ಹೊಗಳಿ ಹಾಡಿದೆ
ಯಾಕೆ?
ವಾಸ್ತವ ಹೇಳಲೆ ಗೆಳತಿ?
ನಿನ್ನ ಮೇಲಿನ ಅಪ್ರತಿಮ
ಪ್ರೀತಿಯಿಂದಲ್ಲ, ನನ್ನ ಪ್ರೇಮ
ಕುರುಡು ಅಲ್ಲ.
ನಿಮ್ಮಪ್ಪ ಕೊಡಿಸಿದ ನೌಕರಿ
ನೀ ತಂದ ಚಿನ್ನ - ಬೆಳ್ಳಿ
ಕೊಡಿಸಿದ ಕಾರು-ಬಂಗಲೆ
ಎಲ್ಲ ಪ್ರೀತಿಯೆನಗೆ ಅದೇ
ಅಪ್ಪಟ ಚೆಲುವೆನಗೆ