ಸಂಬಂಧಗಳು

1. ಸಂಬಂಧಗಳು
ಇವೆ
ಸುತ್ತಲೂ-
ಮೈರಕ್ತ ಹೀರುವ ತಿಗಣೆಗಳು
ತಲೆತುಂಬ ಮುತ್ತುವ ಹೇನುಗಳು
ಹೆಕ್ಕಿ ಹೆಕ್ಕಿ ಕೊಲ್ಲುವ ಹದ್ದುಗಳು
ಮತ್ತೆ
ಎಲ್ಲ ಇವು ಇಷ್ಟೂ ಸಾಲದೇ
ಚಿಕ್ಕಾಡು ಗುಂಗಾಡು-ನೊರಜುಗಳ
ಕೈ ಮಾಡಿ ಕರೆದು ಇದ್ದ ಜಾಗವನ್ನೆ
ಅಗಲಿಸಿ ಭರ್ತಿ ಮಾಡಿಕೊಳ್ಳುತ್ತವೆ.
ಇವೆಲ್ಲವಕ್ಕೂ ಕೊಳ್ಳಿ ಇಟ್ಟು
ಸುಟ್ಟು ಬಿಡಬೇಕು ಎಂದಾಗಲೆಲ್ಲ-
ಅದೇನೋ ಅವ್ಯಕ್ತ ಮನ ಒಡ್ಡುವ
ಮೌನ ವಿರೋಧ ನೆನಸಿಕೊಂಡಾಗ
ಅಂದುಕೊಳ್ಳುತ್ತೇನೆ.
ಇವು ನನ್ನ ವಿಚಿತ್ರ ಚಿತ್ರಹಿಂಸೆಗೆ
ಒಳಪಡಿಸುವ ಮತ್ತೆ, ಮತ್ತೆ ಸೆಳೆಯುವ
ಸಂಬಂಧಗಳು.

2. ಸಂಬಂಧಗಳುಬಿಗಿಯಾಗಿ ಎಳೆದುಬಿಟ್ಟ
ಸರಕು ಗಂಟು
ಬಿಚ್ಚಲೆತ್ನಿಸಿದಷ್ಟೂ
ಕಗ್ಗಂಟು