ಜಲಧಾರೆ

ಜಲ ಧಾರೆ

ನಾ ಹರಿಸುವ ಪ್ರೀತಿ ಜಲಧಾರೆಯಲಿ
ಮೀಯಲು ಸನ್ನದ್ಧಳಾಗು ಕೊಚ್ಚಿ
ಹೋಗದಂತೆ ಬಿಗಿದಪ್ಪಿ
ಮುದ್ದು ಮಾಡಿ ಹೊಸ
ಲೋಕವ ಸೇರುವ

ಮನದಲಿ ಉಕ್ಕಿ
ಹರಿಯುವ ಪ್ರೀತಿ
ಸರೋವರಕೆ ಕಟ್ಟಲಾದೀತೆ
ಆಣೆಕಟ್ಟನು
ಕಟ್ಟಿದರೆ ಕೊಚ್ಚಿ
ಹೋಗುವೆವು ಪ್ರೇಮದಲೆಯಲಿ
ಇದು ದೇಹದಾಚೆಗಿನ
ಪ್ರೇಮಗಾನ ಇಲ್ಲಿ ಇಲ್ಲವೇ
ಇಲ್ಲ ಕಾಮದಪಸ್ವರ

ಸುರಿವೆ ನಿತ್ಯ ಮುತ್ತಿನ
ಮಳೆ ಬೇಡ ನಮಗೆ
ಗತ್ತು ಗೈರತ್ತಿನ ಕೊಳೆ

ದೇವನಿತ್ತ ವರ ನೀ
ಕೇಳಿಸಿತವನಿಗೆ ನನ್ನ ಮನದ ಮೊರೆ
ದಕ್ಕಿದೆನಗೆ ನೀ
ಉತ್ಸಾಹದ ಚಿಲುಮೆಯಾಗಿ
ನಾಜೂಕಾಗಿ ನನ್ನ ಮನವ ತಾಗಿ

ಬ್ರಹ್ಮ ಬರೆದ ವಿಧಿಯ ಲೀಲೆ
ಸಿಕ್ಕಿತೆನಗೆ ಪ್ರೇಮ ಜ್ವಾಲೆ
ತಪ್ಪಿಸಿಕೊಳಲಾದೀತೆ
ನೀ ನಾ

---ಸಿದ್ದು ಯಾಪಲಪರವಿ