siddu kaala ಸಿದ್ದು ಕಾಲ

ಪರಿಶ್ರಮದ ಹಾದಿ
- ಸಿದ್ದು ಯಾಪಲಪರವಿ

ಪರಿಶ್ರಮ ಹಾದಿಯ ಸಂಕಟಗಳ
ಲಕ್ಕಿಸದೇ ಸಾಗಿದ್ದೇ ರಾಜಮಾರ್ಗ
ದೇಸಿ ಸೊಗಡ ಸವಿಜೇನ ಸವಿದ ಸಂತಸ
ರೋಗಿಗಳ ಮನದಾಳದ ನೋವನರಿತು
ನಗುಮೊಗದ ಸಿಂಚನಕೆ ನೋವೆಲ್ಲ ಮಾಯ
ಸತಿಪತಿಗಳೊಂದಾಗಿ ಸವಿಭಾವ
ಸಂಸಾರದಿ ನೋವುನಲಿವುಗಳ ಸಮನಾಗಿ
ಸವಿದ ಸಂಭ್ರಮ
ಗುರುಪೂಜೆ ಅತಿಥಿ ಸತ್ಕಾರದೊಳಡಗಿದೆ
ದೇವಮಂತ್ರ
ಬಾಳ ಹಾದಿಯ ಐವತ್ತರ ಪಯಣದ
ಸಂಸಾರ ಸರಿಗಮಕೆ ಬೆಳ್ಳಿ ಹಬ್ಬ
ನಿರಂತರ ಸಾಗಿರಲಿ
ನಗು ಮೊಗದ ಬಾಳ ಪಯಣ.