ಕಳೆದು ಹೋಗತೀವಿ ಒಮ್ಮೊಮ್ಮೆ ತಪ್ಪು
ಲೆಕ್ಕ-ಆಚಾರಗಳಿಂದ ನಮಗೆ
ಅರಿವಿಲ್ಲದಂಗ ಮನದಾಟದ
ಮಹಿಮೆಯ ನಂಬಿ ಜೋಲಿ ಹೊಡೆಯುತೀವಿ
ಹಸಿವು ತಾಳಲಾರದೇ ಜೋಳಿಗೆ ಒಡ್ಡುತೀವಿ
ಜಿಡ್ಡು ಜನರ ಮುಂದ
ಹಾಲು ಹಿಂಡುತೀವಿ ಗೊಡ್ಡು ಎಮ್ಮಿಯಿಂದ
ನಂಬಿ ಕೆಟ್ಟವರಿಲ್ಲ ಎಂದು ಕೆಟ್ಟವರ ನಂಬಿ
ಕೆಡುತೀವ ಅವರಲ್ಲ ಕೆಟ್ಟವರು ನಾವೆಂಬುದ
ಮರೆತು ಹಲುಬಿ ಮನದಲಿ ಮರುಗತೀವ
ದುಃಖದಿ ಮಂದ್ಯಾಗ ಅತ್ತು ಮಂಗ್ಯಾ ಆಗಿ
ಹಾರಿ ಹೋಗುತೇವ
ರೆಂಬಿ ಮ್ಯಾಲ ಕುಂತ ಹಕ್ಕಿಗೂ ಗೊತ್ತು
ನಂಬಬಾರದು ರೆಂಬಿಯನೆಂದು
ಹಾರತೈತಿ ಮ್ಯಾಲ ತನ್ನ ರೆಕ್ಕಿಯ ನಂಬಿ
ಮೂರು ದಿನದ ಸಂತೀವಳಗ ನಾವ ದಾರಿ
ತಪ್ಪಿ ಅಡ್ಡ ದಾರಿ ಹಿಡೀತೀವ ನೋಡದ
ಹಿಂದ ಮುಂದ...
---ಸಿದ್ದು ಯಾಪಲಪರವಿ
No comments:
Post a Comment