ದೇಹ ಸವಾರಿ

ಕೆಂದುಟಿಗಳು ದೇಹ ಸವಾರಿ ಮಾಡಿ
ಉಗುರುಗಳು ಬೆನ್ನ ಮೇಲೆ ಹರಿದಾಡಿ
ಮೈ ರೋಮಗಳಿಗೆ ಬಿಸಿಯುಸಿರು ತಾಗಿ
ಎದೆಯಲರಳಿದ ತೊಟ್ಟುಗಳು  ಎಲ್ಲಂದರಲಿ ಕಚಗುಳಿ ಇಟ್ಟು
ನನ್ನ ಇನ್ನು ಕೆಣಕದಿರಲಿ

ಸಹಿಸುವುದು ಸಣ್ಣ ಮಾತಲ್ಲ ಇದು
ಸ್ವರ್ಗದಾಲಿಂಗನದ ಏದುಸಿರು
ಬೆತ್ತಲೆ ಹೊಳಪು ಕತ್ತಲೆಯ ರಂಗನು
ದೂರ ದೂಡಿ ಬರಸೆಳೆದು ಬಿಗಿದಪ್ಪಿದ
ಪರಿಗೆ ತತ್ತರಿಸಿದೆ ಜೀವ
ತಾಳಲಾರೆ ಹಿತಕರ ನೋವ

ನಿನ್ನ ಅಂಗೈ ಹಿಡಿ ಮುಷ್ಟಿಗೆ ಸಿಕ್ಕ
ನನ್ನತನದ ಹಾರಾಟ ಅನನ್ಯ

ಬೇಗ ಸೇರಿಸಿಕೋ ನಿನ್ನ ಆಳದ
ಒಳಗೆ ದಹಿಸಿ ನರ್ತಿಸಲಿ ಆಟ
ಮುಗಿದು ಹಿಂಡಿ ಹಿಪ್ಪಿ ಆಗುವವರೆಗೆ

ನೀನೊಂದು ಅನರ್ಘ್ಯ ಬಿಂದು
ಎಂದೂ ಅಗಲದ ಬಂಧು

ಮೈಮನಗಳ ಬೆತ್ತಲಾಗಿಸಿ ಸೋತು
ಶರಣಾಗಿ ಅಂಗಾತ ಮಲಗಿ
ಅಂಗಾಂಗ ಅರ್ಪಿಸಿಕೊಳುವುದು ಸಂತೆಯ ಸುದ್ದಿಯಲ್ಲ
ಸಣ್ಣ ಮಾತೂ ಅಲ್ಲ

ನನ್ನದೆಯ ಬಗೆದು ಅಡಗಿ ಕುಳಿತಿದ್ದ
ನೂರು ಭಾವಗಳ ತೆರೆದಿಟ್ಟ
ಅಮೃತ ಘಳಿಗೆ

ಬಾ ಸೇರಿಕೊಂಡು ಒಂದಾಗಿ ಮಿಂದು ಮಿಲನ ಮಹೋತ್ಸವದಾಚರಣೆಯ
ಸಂಭ್ರಮವ ಸವಿಯೋಣ