ವಿಶಾಲ ಎದೆ

ವಿಶಾಲ ಹರವಿದೆದೆಯ ಮೇಲೆ
ನಿನ್ನ ಬೆರಳುಗಳ ಮೃದು
ಮೀಟುವಿಕೆಯ ನರ್ತನ
ಪುಳಕಗೊಳಿಸಿದೆ ಎನ್ನ ಮನವ

ಮಗುವಿನ ಹಾಗೆ ತೊಡೆಯ
ಮೇಲೆ ಮಲಗಿದಾಗ ನಿನ್ನ
ಕೋಮಲ ಬೆರಳುಗಳು ತಲೆ
ನೇವರಿಸಿದಾಗ ಕಣ್ಣು ಮಂಜು

ತುಟಿಯ ಮಧುರತೆ ಹಣೆ
ಕೆನ್ನೆ ಮೇಲೆ ನಲಿದಾಗ
ಪುಳಕಗೊಂಡು ಮೃದುವಾಗಿ
ಕಚ್ಚಿದ್ದು ನೋವಾಯಿತೆ ಸಖಿ

ಪ್ರೀತಿಯಲ್ಲದೆ ಇಲ್ಲಿ
ಬೇರೇನೂ ಇಲ್ಲ
ಕೊಟ್ಟು ಪಡೆಯಲು ಒಲವ
ಮಿಲನವಷ್ಟೇ ಸಾಕು

ಖುಷಿಯಾಗಿರಲು
ನಿನ್ನ ಬಿಸಿಯಪ್ಪುಗೆಯಷ್ಟೇ
ಸಾಕು ಜಗದ ಜಂಜಡವ
ಮರೆತು ಸುಖವಾಗಿರಲು ಸಖಿ

---ಸಿದ್ದು ಯಾಪಲಪರವಿ