ಬತ್ತದ ಚಿಲುಮೆ

*ಬತ್ತದ ಚಿಲುಮೆ ತೀರದ ದಾಹ*

ಹೊಸ ಹುಡುಗಿಯ
ಮುಲುಕಾಟದ
ನಗು ಕೇಕೆ ನನ್ನ ಕಳವಳವ
ದೂರ ದೂಡಿದೆ

ಕಣ್ಣು ಮುಚ್ಚಿ ಬಯಲಾಗಿ
ತೆರೆದುಕೊಳುವ ಮಹಾ ಕಾವ್ಯದ
ಪ್ರತಿ ಅಕ್ಷರವ ಅರಿತು ಅರೆದು
ಕುಡಿದು ದಕ್ಕಿಸಿಕೊಳ್ಳುವ
ಸಂಭ್ರಮಕೆ ಕೊನೆಯಿರದ
ಬತ್ತದ ಜೀವನೋತ್ಸಾಹ

ಹೆಚ್ಚು ಕಾಲ ಹಾಯಾಗಿ
ನಿನ್ನ ಮಡಿಲ ಮಗುವಾಗಿ
ಕಡಲ ಸಿರಿಯ ಸವಿಯುವ
ಚಂದಿರನಾಗಿ

ಮಧುಪಾನಿಸುವ
ದುಂಬಿಯಾಗಿ
ಮದವೇರಿದ ಆನೆಯಾಗಿ
ಕುಣಿದು ನೆಗೆಯುವ
ಕುದುರೆಯಾಗಿ

ಹಾಡಿ ಕುಣಿದು ಹಾರಾಡಿ
ನಿನ್ನ ಮುಗಿಲು ಮುಟ್ಟುವ
ಸಂಭ್ರಮ